Άμον Σαντέτ’κον κριάρι - Δημώδες άσμα της Σαντάς του Πόντου
'Σ σην πόρτα σ' πα να σπάουμαι άμον Σαντέτ'κον κριάρι,
ν' εμπαίν'τς, ν' εβγαίν'τς , να κλαίς και λές, κρίμαν ΄ς σο παλληκάρι.
Άνοιξον ρίζα μ' άνοιξον, άνοιξον ας εμπαίνω,
τσ̌εχέλκον παλληκάρ' είμαι κι ας ση σεβτά σ' καμένο
Παρακολουθείστε το σχετικό βίντεο για το τραγούδι της Σαντάς του Πόντου
Η τζάμια σ' κοσ̌κινίεται, ντο κείται απάν' ΄ς σην ράχ̌α σ',
κόψον ρίζα μ' και κρέμψον ατο, μη κοπανίζ' τα πάχ̌υα σ'
Κάρδια̤ μ' απαρηγόρετον πώς να παρηγορώ ΄σε (;)
τα τέρτια̤ εσέν' έφαγαν και 'κ̌ι' κατηγορώ 'σε.
Τραγούδι της Σαντάς του Πόντου τοποθετημένο πάνω στον όρθιο, στητό μονό χορό Τίκ της περιοχής, σε αργή χρονική αγωγή. Χοροί των Ελλήνων του Πόντου
Ποντιακή Ιστορία & Λαογραφία - Βασίλειος Β. Πολατίδης - www.kotsari.com
