• Home
  • Γλώσσα
  • Πάς Σουρμενίτες ψάλτης. Ανέκδοτο Σουρμένων Πόντου

Πάς Σουρμενίτες ψάλτης. Ανέκδοτο Σουρμένων Πόντου

Σουρμενίτες,ψάλτης,Τραπεζούντα,ανέκδοτα,σουρμένων,πόντου,ΆηΒασίλ,εγκλησία,Δεσποτιακό,Καταβασίες,εστοχάστεν,νούνιξε,Δεβάτε,Δαφούντα,δαφνούντα,τρεχτά,καβέ,κιοσ̆έ,στασίδι,ουσούλι͜α,πουσ̆τουρίζει,καρσ̆ί,εγρίεψεν,άκλερο,εκουσ̆έφτε,Δεσπότης,Κιμισχαναλής,σουρμενίτηςΣην Τραπεζούντα σον Άη-Βασίλ’ την Εγκλησία, απ’ αδά’ κι εξήντα χρόνα̤ πρωτοψάλτες έτονε ο Γιορδάνη’ς ο Κωνσταντινάντες ο Σουρμενίτες. Ένα Κερεκή σην Εγκλησία εγίνοντονε Δεσποτιακό λειτουργία. Ο Γιορδάνης αρχίνεσε να δεβάζ’. Πρίν να φτάν’ σα Καταβασία εστοχάστεν πως ο αριστερόν ο ψάλτες ακόμαν ‘κ̆’ έρθε. Στέλλει ένα κανονάρχη να πάει ρωτά ντ΄εγέντονε. Έρται ο επίτροπος και λέει ατόν : Αριστερόν, ερρώστησε. Εσύ κανείνα κι ξέρεις να λέπομε και φέρομ’ ατόνα ;

Ο Γιορδάνης νούνιξε ολίγο : Δεβάτε, είπε, στη Δαφούντα σου Σταύρη τη Κούσ̆’ την καβέν, ότινα Σουρμενίτε ελέπητε έπαρτ’ άτονα κι ελάτε. Έστειλαν αμάν είναν κι επήγε τρεχτά. Εμπαίν’ σην καβέ κι ερωτά. Ο Σταύρης έδειξεν ατόν είναν σην κιοσ̆έ κεκά. “Μόνο ατός έν Σουρμενίτες”, είπεν ατόν. Είπεν το παιδίν ντο θέλει ατόν ο Γιορδάνης, χωρίς να λέη και την αιτίαν. Εσκώθε ο Σταύρης και πάει ΄ς σον Άη – Βασίλ’. Σιμώνει από πίσ’ σο στασίδι τον Γιορδάνη και ουσούλι͜α - ουσούλι͜α ερωτά : Ντό θέλεις με; Ο Γιορδάνης ανάμεσα στο ψάλσιμο πουσ̆τουρίζει : Δέβα καρσ̆ί μ’ ! Να ψάλλωμε ! Δά̤σκαλε, λέει ο Σταύρης, μουσική ‘κ̆’ εξέρω, να εντροπι͜άγουμαι. Δέβα είπα, όσο εξέρεις ψάλο, κι εγρίεψεν. Ντο ν’ εφτάει ο άκλερο. Επήγε σο στασίδ’ τ’ αριστερού κι άρχεψε να ψάλλ’ κι εκείνος. Όντα εκουσ̆έφτε ο Δεσπότης κι οι Αηβασιλέτ’ εσ̆άσεψαν. Ασ’ σον δεξ̆ιόν καλλίο έψαλε. Αρ’ ατότε είπεν ίναν Κιμισχαναλής : “Ο πάς ένας Σουρμενίτες, ψάλτες έν”.
Πηγή : Ποντιακή Εστία Τεύχος 2ο, Θεσσαλονίκη Φεβρουάριος 1950

Pin It

Print

Add comment


Security code
Refresh

ΣΧΕΤΙΚΑ ΑΡΘΡΑ